Şəkidə yük maşını yandı

Şəkidə yük maşınında yanğın olub, sürücü yanıq xəsarətləri alıb.

Teleqraf.com xəbər verir ki, hadisə bu gün günorta saatlarında rayonun Kiçik Dəhnə kəndində baş verib.

1993-cü il təvəllüdlü Ağdaş rayon sakini Vüqar Mustafa oğlu Quliyeva məxsus “KamAZ” park edildiyi yerdə yanıb.

Yanğının söndürülməsi üçün əraziyə Fövqəladə Hallar Nazirliyinin (FHN) Şəki rayon Dövlət Yanğından Mühafizə Hissəsinin yanğınsöndürən maşınları və şəxsi heyətləri cəlb edilib. Yanğın nəticəsində “KamAZ”dakı ot bağlamaları yanıb.

Yanğın zamanı avtomobilin sürücü Vüqar Quliyev bədən nahiyəsindən müxtəlif dərəcəli yanıq xəsarəti alıb və Təcili Tibbi Yardım Xidməti tərəfindən Şəki rayon Mərkəzi Xəstəxanasına aparılıb.