Milli Məclisin mayın 16-da keçiriləcək iclasının gündəliyi bəlli olub.
Parlamentin mətbuat katibi Akif Təvəkküloğlunun Modern.az saytına verdiyi məlumata görə, növbəti plenar iclasın gündəliyə 7 məsələ daxil edilib.
Deputatlar 16 may tarixində aşağıdakı qanun layihələrini müzakirəyə çıxaracaqlar:
“Azərbaycan Respublikasının 2013-cü ilin dövlət büdcəsinin icrası haqqında” Qanun layihəsi;
Vergi Məcəlləsində dəyişikliklərin edilməsi;
“Torpaqlarının dövlət ehtiyacları üçün alınması haqqında” Qanuna dəyişiklik edilməsi;
“Kənd təsərrüfatı məhsulları istehsalçılarına müddətli vergi güzəştlərinin verilməsi haqqında qanun”un ləğv edilməsi;
“Körpələr evlərinə, uşaq bağçalarına, xüsusi uşaq bağçalarına və uşaq evlərinə müddətli vergi güzəştlərinin verilməsi haqqında” Qanunun ləğv edilməsi;
“Dövlət rüsumu haqqında” Qanuna dəyişikliyin edilməsi;
Nizami Gəncəvi adına qızıl medalının təsis edilməsi ilə əlaqədar “Orden və medalların təsis edilməsi haqqında” Qanuna dəyişiklik edilməsi.
Gültəkin ƏLƏSGƏR