Tərtərdə baş verən qəzada körpə uşaq öldü

Tərtər rayonunun Bəyimsarov kəndi ərazisində yol qəzası olub.

Teleqraf.com xəbər verir ki, 2000-ci il təvəllüdlü Kamran Süleymanovun idarə etdiyi “VAZ-21723” markalı nəqliyyat vasitəsi ilə hərəkətdə olarkən idarəetməni itirib.

Bu zaman o, nəqliyyat vasitəsini yol kənarında olan betona vurub.

Nəticədə maşında sərnişin qismində olan oğlu, 2023-cü il təvəllüdlü Cavidan Süleymanov almış olduğu bədən xəsarətlərindən ölüb.

Sürücünün anası, 1976-cı il təvəllüdlü Xoşqədəm Süleymanova bud çanaq oynaq nahiyəsinin əzilməsi xəsarəti alıb.

Faktla bağlı araşdırma aparılır.