Kürdəmirdə zəncirvari qəza - Xəsarət alanlar var

Kürdəmirdə beş avtomobilin iştirakı ilə zəncirvari yol-nəqliyyat hadisəsi baş verib, xəsarət alanlar var.

Teleqraf.com xəbər verir ki, hadisə rayonun M.P.Vaqif küçəsində qeydə alınıb.

"QAZ 24" markalı avtomobilin sürücüsü idarəetməni itirib, nəticədə nəqliyyat vasitəsi yol kənarında dayanmış 4 maşına çırpılıb.

Nəticədə rayonun Sovla kənd sakini 33 yaşlı Cəfərov Cavid Baxış oğlu və rayonun Sor-Sor kənd sakini 72 yaşlı Rzayev Hətəmxan Hətəm oğlu müxtəlif dərəcəli bədən xəsarətləri alıblar. Yaralılar dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb.

Faktla bağlı araşdırma aparılır.