Narkotikin təsiri altında maşın sürən şəxs cəzalandırıldı

Narkotik vasitənin təsiri altında avtomobil idarə edən şəxs nəqliyyat vasitəsini idarə etmək hüququ məhdudlaşdırılmaqla cərimə olunub.

Teleqraf.com xəbər verir ki, bu barədə Daxili İşlər Nazirliyinin mətbuat xidmətindən bildirilib.

Baş Dövlət Yol Polisi İdarəsinin əməkdaşları tərəfindən iyulun 30-da saat 11 radələrində Masallı rayonunun Sərçuvar kəndi ərazisində “Honda” markalı avtomobil nəzarət qaydasında saxlanılıb.

Sürücü - Lənkəran rayon sakini 37 yaşlı Yalçın Əliyevin narkotik vasitənin təsiri altında olması müəyyən olunub və barəsində İnzibati Xətalar Məcəlləsinin 333.1.2-ci maddəsi ilə (il ərzində təkrar sərxoşluğa görə) protokol tərtib edilərək məhkəməyə göndərilib.

Məhkəmənin qərarı ilə Y.Əliyevə nəqliyyat vasitəsini idarə etmək hüququ 2 il müddətinə məhdudlaşdırmaqla 800 manat dəyərində cərimə tətbiq olunub.