Türkiyədə 5,3 gücündə zəlzələ - Bir bina dağıldı

Bu gün Malatyada baş vermiş zəlzələ nəticəsində indiyə qədər Battalqazi rayonunda 1 tərk edilmiş bina dağılıb.

Teleqraf.com xəbər verir ki, bu barədə Malatya valisi Hulusi Şahin NTV-nin canlı yayımına telefonla bağlanaraq bildirib.

"İndiyə qədər Battalqazi rayonunda 1 tərk edilmiş bina dağılıb. Küçədə yoldan keçən bir uşaq ayağını sındırıb. O, xəstəxanaya aparılıb. Bir neçə dəfə eyvandan tullanma faktı var”, - deyə o qeyd edib.

21:55

Türkiyənin Malatya vilayətinin Yeşilyurt rayonunda 5,3 maqnitudalı zəlzələ baş verib.

Teleqraf.com xəbər verir ki, bu barədə Fövqəladə Halların İdarə Olunması Agentliyi (AFAD) məlumat yayıb.

Bildirilib ki, zəlzələ ocağının dərinliyi 7 kilometr olub.