Salyanda qəza - 82 yaşlı qadın öldü

Salyanda betonqarışdıran yük maşını 82 yaşlı qadını vuraraq öldürüb.

Teleqraf.com xəbər verir ki, hadisə köhnə Ələt-Astara magistralının Salyan şəhəri ərazisindən keçən hissəsində qeydə alınıb.

Belə ki, Salyan şəhər sakini, 1941-ci il təvəllüdlü Süleymanova Rəxşəndə Firudin qızı yolu keçən zaman betonqarışdıran yük maşını onu vurub.

Qadın aldığı ağır xəsarətlər nəticəsində hadisə yerində keçinib.

Faktla bağlı araşdırma aparılır.