Ucarda yol qəzası - Xəsarət alanlar var

Ucar-Zərdab avtomobil yolunun Ucarın Lək kəndindən keçən hissəsində yol qəzası baş verib.

Teleqraf.com xəbər verir ki, ilkin məlumata görə, hərəkətdə olan minik avtomobili yola çıxmaq istəyən digər avtomobili vurub. Yol qəzası nəticəsində avtomobillərdə olan sürücü və sərnişinlər müxtəlif dərəcəli bədən xəsarətləri alıb.

Xəsarət alan 10 nəfər Ucar və Zərdab Rayon Mərkəzi xəstəxanalarına aparılıb.

Fakta bağlı araşdırma aparılır.