Oğuzda çobanın meşədə meyiti tapıldı: Bir müddət əvvəl... - Təfərrüat

Oğuz rayonunda qoyun otarmağa getmiş kişinin meşəlik ərazidə meyiti tapılıb.

Teleqraf.com-un kənd sakinlərindən əldə etdiyi məlumata görə, rayonun Sincan kəndində vəfat edən 1973-cü il təvəllüdlü Anar Məmmədyarov bir müddət əvvəl ürəyindən əməliyyat keçirib.

Bildirilir ki, onun ürək tutmasından vəfat etdiyi ehtimal olunur.

Anar Məmmədyarovun üzərində hər hansı zorakılıq əlamələtləri aşkar edilməyib.

Qeyd edək ki, iyunun 3-də, səhər saatlarında Anar Məmmədyarov qoyunları otarmaq üçün kənddən aralı meşəlik əraziyə gedib. Axşam saatlarında qoyunların kəndə çobansız qayıtdığını görən kənd sakinləri Anar Məmmədyarovu axtarmağa başlayıblar.

Lakin onu ərazidə vəfat etməsini aşkar ediblər.

Hazırda hüquq-mühafizə orqanlarında baş verən hadisə ilə bağlı araşdırma aparılır. Araşdırmaların sonunda məsələyə hüquqi qiymət veriləcək.