Qızlarla ədəbsiz davranan şahmatçı diskvalifikasiya edildi

Latviyalı şahmatçı Andrey Strebkov qadınlara sataşdığına görə diskvalifikasiya edilib.

Teleqraf.com xəbər verir ki, bu barədə Beynəlxalq Şahmat Federasiyası (FIDE) saytında məlumat verilib.

Araşdırmalar zamanı Strebkov on il ərzində onlarla şahmatçını, o cümlədən azyaşlıları təqib edib. Şahmatçının onlara ədəbsiz və pornoqrafik materiallar və məktublar göndərdiyi ortaya çıxıb.

Təşkilatın qərarı ilə Strebkova beş il müddətində FİDE-nin hər hansı reytinq turnirlərində oyunçu kimi iştirak etmək və fiziki cəhətdən orada olmaq qadağan edilib.