Qəza törədib qaçan “Prius” marketə girdi - Foto

Paytaxtın Xəzər rayonu ərazisində ağır yol qəzası baş verib.

Teleqraf.com Manset.az-a istinadən xəbər verir ki, hadisə dünən səhər saat 08:08 radələrində qeydə alınıb.

Belə ki, 77-DA-426 dövlət nömrə nişanlı “Toyota Prius” markalı avtomobilin idarəetməni itirərək yolun kənarındakı marketə çırpılıb.

Bakı şəhər Dövlət Yol Polisi İdarəsindən verilən məlumata görə, hadisə Xəzər rayonu Sergey Yesenin küçəsində baş verib. “Toyota Prius” markalı avtomobil “Opel Zafira” markalı maşını vuraraq hadisə yerindən yayınmağa çalışıb.

Sürücü müxtəlif təhlükəli manevrlər edərək yol kənarındakı iaşə obyektinin parklanma yerinə daxil olmaq istəsədə də, idarəetməni itirərək obyektə dəyib.

Faktla bağlı araşdırma aparılır.