Cəlilabadda iki "Mercedes" toqquşdu - Yaralananlar var/Foto

Cəlilabadda avto-qəza hadisəsi baş verib.

Telegrad.com-un bölgə müxbiri xəbər verir ki, qəza rayonun Qarazəncir kəndi ərazisində baş verib. Ələt-Astara alternativ (köhnə) magistral avtomobil yolunun Cəlilabad rayonu ərazisindən keçən hissəsində 2 "Mercedes" markalı minik avtomobili hərəkətdə olarkən toqquşub.

Nəticədə sürücülər Muxtar Fuad oğlu Zeynalov, Ceyhun Nəbi oğlu Ağayev və sərnişin Əqidə Elçin qızı Fətəliyeva müxtəlif dərəcəli bədən xəsarətləri ilə Cəlilabad rayon Mərkəzi Xəstəxanasına çatdırılıblar. Yaralılara ilkin tibbi yardım göstərilib və vəziyyətləri stabildir.

Qəza nəticəsində hər iki avtomobilə ciddi ziyan dəyib.

Faktla bağlı araşdırma aparılır.