Tovuzda ağır qəza: ölən və yaralananlar var - Yeniləndi

Tovuzda iki avtomobilin toqquşması nəticəsində ölən və yaralananların kimliyi məlum olub.

Teleqraf.com-un Qərb bürosunun xəbərinə görə, hadisə zaman "VAZ-2104" markalı avtomobilin sürücüsü, 1962-ci il təvəllüdlü Rauf Hümbətov dünyasını dəyişib.

Bundan başqa, 5 nəfər- Nəsimi Abdıyev, Ramiz Məmmədov, Vasif Zeynalov, Fatimə Məmmədova və Mahir Rzayev xəsarət alıblar. Onlar xəstəxanaya yerləşdiriliblər.

Yaralılar hər iki avtomobildə olan şəxslərdir.

***

14:54

Tovuz rayonunda 1 nəfərin ölümü, bir neçə nəfərin yaralanması ilə nəticələnən yol-nəqliyyat hadisəsi baş verib.

Teleqraf.com-un yerli bürosunun əldə etdiyi məlumata görə, "VAZ2106" markalı avtomobil "VAZ2104" markalı avtomaşınla toqquşub.

Yaralılar Tovuz rayon Mərkəzi Xəstəxanasına çatdırılıb.

Faktla bağlı araşdırma başlanılıb.