Oqtay Əsədov Yaponiyadadır

Milli Məclisin Sədri Oqtay Əsədovun rəhbərliyi ilə parlament nümayəndə heyəti aprelin Yaponiyada rəsmi səfərə gedib.

Teleqraf.com xəbər verir ki, nümayəndə heyətinin tərkibinə Yaponiya ilə parlamentlərarası əlaqələr üzrə işçi qrupunun başçısı Abel Məhərrəmov, deputatlardan Çingiz Əsədullayev, Aslan Cəfərov, Milli Məclis Aparatının rəhbəri Səfa Mirzəyev və digər rəsmi şəxslər daxildirlər.

Səfərin ilk günü Milli Məclis sədrinin Yaponiya İmperatoru Əlahəzrət Akihito, Baş nazir Şinzo Abe, xarici işlər naziri Fumio Kişida ilə görüşləri nəzərdə tutulur.

Tokioda deputatlarımız ölkə parlamentinin Müşavirlər və Nümayəndələr palatalarında olacaq, Azərbaycanla parlamentlərarası Dostluq Liqasının üzvləri ilə görüşəcək, Yaponiya qanunvericilik orqanının fəaliyyəti ilə yaxından maraqlanacaqlar.

Milli Məclis sədrinin Yaponiya parlamentinin hər iki palatasının rəhbərliyi ilə keçiriləcək görüşlərində ikitərəfli əlaqələrin inkişafı, qanunverici orqanlar arasında informasiya və təcrübə mübadiləsi, deputatlarımızın nüfuzlu beynəlxalq qurumlarda birgə səmərəli fəaliyyəti barədə fikir mübadiləsi aparılacaq.

Nümayəndə heyətimizin üzvləri ölkənin Kioto və Hiroşima şəhərlərinə səfər çərçivəsində gündoğar ölkənin qədim mədəniyyəti və tarixi abidələri ilə yaxından tanış olacaqlar.

Nemət