Rusiya və Azərbaycan parlamentinin birgə komissiyasının iclası keçirilir

Bu gün Moskvada Rusiya Federal Məclisi Federasiya Şurasının Milli Məclislə ikitərəfli parlamentlərarası komissiyasının 13-cü iclası keçiriləcək. İclasda Milli Məclis sədrinin müavini, parlamentlərarası komissiyanın həmsədri Valeh Ələsgərovun başçılıq etdiyi nümayəndə heyəti iştirak edəcək.

Teleqraf.com Milli Məclisə isstinadən xəbər verir ki, Azərbaycam nümayəndə heyətinin tərkibinə parlamentin komitə sədri Arif Rəhimzadə, deputatlardan Rövşən Rzayev, Elton Məmmədov, Rüfət Quliyev, Sabir Hacıyev, Fuad Muradov və MDB PA-da Milli Məclisin daimi nümayəndəsi Aydın Cəfərov daxildir.

İclasda parlamentlərarası komissiyanın Rusiya və Azərbaycan tərəfdən tərkibləri barədə, komissiyanın 2015-ci ildə fəaliyyətinin nəticələri və qarşıdakı vəzifələr, Azərbaycanla Rusiya arasında elmi-texniki əməkdaşlığın inkişafı üçün birgə parlament fəaliyyəti, növbəti 14-cü iclasın mövzusunun, keçirilmə vaxtının və yerinin müəyyən olunması və digər mövzularda müzakirələr aparılacaqdır.

Nemət