5 aya yaxındır ki, sədrsiz qalan Azərbaycan Milli İstiqlal Partiyasının (AMİP) 2016-cı ilin birinci yarısında növbəti qurultayını keçirə bilər.
Bu barədə Teleqraf.com-a AMİP Siyasi Şurasının üzvü Əli Orucov deyib.
Onun sözlərinə görə, qurultayın vaxtı partiyanın rəsmi qərarı ilə təsdiqlənməyib: "Qurultayın keçirilmə vaxtı bir qədər uzana bilər. Qurultayın vaxtı rəsmi təsdiq edildikdən sonra namizədlər öz iddialarını ortaya qoyacaqlar".
Ə.Orucov partiya sədrliyinə namizədliyini irəli sürəcəyini istisna etməyib: “Partiya sədri olmaq o qədər də asan deyil. Sədr olmaq məsuliyyət tələb edir, eyni zamanda, müəyyən kriteriyalara cavab vermək lazımdır. Partiyada belə potensial şəxslər var. İndidən nəyisə demək tez olardı".
Qeyd edək ki, AMİP-in sədri Yusif Bağırzadə ötən ilin oktyabr ayında vəzifəsindən istefa verib. O, istefasını səhhətində yaranan problemlərlə əlaqələndirib.