Erkin Qədirli: “Ermənilərin müdafiəsi keçilməz deyil”

Respublikaçı Alternativ Hərəkatının (REAL) Konseptual məsələlər üzrə katibi Erkin Qədirli aprelin əvvəlində cəbhə bölgəsində baş verən hadisələrin nəticələri ilə bağlı yazıb.

Teleqraf.com xəbər verir ki, REAL üzvü Azərbaycanın üç üstünlük qazandığını bildirib:

“İnsanın gördüyü bütün işlərdə olduğu kimi, savaşda da psixoloji üstünlüyün önəmi böyükdür. Son döyüşlərdə hamıya, özəlliklə xaricilərə, aydın oldu ki:

1. Ordumuz hücuma keçə və hücumda qalib gələ bilir.
2. Ermənilərin müdafiəsi heç də keçilməz deyil.
3. Xalqımız nəinki Qarabağı unudub, əksinə xalqımızı tez bir zamanda birləşdirə, hərəkətə gətirə bilən tək məsələ - Qarabağdır.

"Özəlliklə xaricilərə" ifadəsini ona görə yazdım ki, xarici ekspertlər, diplomatlar və siyasətçilər bizimlə görüşlərdə çox vaxt bu üç məsələnin əksini söyləyirdilər. Bundan sonra heç nə öncəki kimi olmayacaq”.

Bəkir