Koalisiya AXCP fəalı ilə bağlı prezidentə müraciət etdi

Mədən Sənayesində Şəffaflığın Artırılması Koalisiyası həbsdə olan koalisiya üzvü, Azərbaycan Xalq Cəbhəsi Partiyasının (AXCP) Rəyasət Heyətinin üzvü Asif Yusiflinin əfv edilməsi üçün prezident İlham Əliyevə müraciət edib.

Teleqraf.com-un məlumatına görə, bu barədə Mədən Sənayesində Şəffaflığın Artırılması Koalisiyasının koordinatoru Əliməmməd Nuriyev məlumat verib.

Ə.Nuriyev qeyd edib ki, müraciətdə A.Yusiflinin Qarabağ qazisi olması da vurğulanıb.

Qeyd edək ki, A.Yusifli 2014-cü ilin ilin noyabrında həbs edilib. O, Cinayət Məcəlləsinin 178.3.2 (külli miqdarda ziyan vurmaqla törədilən dələduzluq) və 320.1-ci (rəsmi sənədləri saxtalaşdırma, hazırlama, satma və ya saxta sənədlərdən istifadə etmə) maddələri ilə ittiham olunaraq 7 il 6 ay müddətinə azadlıqdan məhrum edilib.

Səxavət