“Yaralı gizirin banka olan borcu silinib” – DEPUTAT

“Azərbaycan Silahlı Qüvvələrinin giziri, Şəkidən hərbi xidmətə çağırılan, ailəsi Mingəçevirdə yaşayan Rahim Tağıyev aprelin 4-də cəbhə xəttində Ermənistan silahlı qüvvələri ilə döyüşdə başından ağır yaralanıb. Həmin dövrdən o koma vəziyyətindədir. Bir neçə dəfə əməliyyat olunub, vəziyyəti daim xaricdə təcrübə keçmiş həkim nəzarəti altındadır”.

Teleqraf.com xəbər verir ki, bunu Milli Məclisin deputatı Aydın Mirzəzadə bidlrib.

A.Mirzəzadə qeyd edib ki, bir neçə gün əvvəl Mərkəzi Hərbi Hospitalda olarkən R.Tağıyevin vəziyəti ilə maraqlanıb: “Ailə üzvləri ilə telefonla danışdım, problemləri ilə maraqlandım. Rahim il yarım bundan əvvəl “Dəmirbank”dan öz adına kredit götürüb. Banka müraciət edildi və bankın dünənki qərarı ilə yaralı gizirin banka kredit borcu ləğv olundu.

Rahim Tağıyev beş il əvvəl İpoteka Fondundan “Azəriqazbank” xətti ilə mənzil krediti götürüb, yaralanana qədər vaxtlı-vaxtında ödəniş edib. Gizirin indiki vəziyyəti nəzərə alınaraq məsələ ilə bağlı İpoteka Fondunun hüququ varisinə müraciət edildi. Məsələ sığorta şirkəti ilə araşdırılaraq hal-hazırda ondan ödəniş tələb edilmir və son qərarın yaralının sağalmasından sonra onun maraqlarına uyğun qəbul edilməsi qərara alınıb. Bütün bu nəticələr barəsində yaralı gizirin ailəsinə məlumat verilib”.

Səxavət