“Son 20 ilin ən yaxşı futbolçusu mənəm” – Ronaldo

Portuqaliya millisinin və Madrid “Real”ının hücumçusu Kriştiano Ronaldo iddialı açıqlama verib.

Qol.az-ın “As” qəzetinə istinadən yaydığı xəbərə görə, o, özünü son illərin ən yaxşı futbolçusu hesab etdiyini bildirib:

“Bu illər ərzində qazanılan nəticələrə fikir vermək lazımdır. Əldə etdiyim titullara əsasən özümü son 20 ilin ən yaxşı futbolçusu hesab edirəm. Peşəkar idmançı hər zaman öz formasını qorumalıdır. Futbolda isə bu, vacib şərtlərdən biridir. Əgər sən bərk qaça bilirsənsə, çeviksənsə, güclü olacaqsan və öz istedadını daha yaxşı şəkildə biruzə verəcəksən”.

Ronaldo uğrularının sirrləri barədə bunları deyib: “Mən ən yüksək səviyyədə olmaq üçün daima eyni ruhda çalışıram. Hər məşqə, hər oyuna eyni münasibəti bəsləyirəm”.