Messidə Maradonanın xarakteri yoxdu

Əfsanəvi italyan məşqçi Arriqo Sakki dünya futbolunda son 10 ilin ən yaxşı oyunçularını dəyərləndirib.

Komanda.az xəbər verir ki, Sakki Lionel Messini Maradona və Ronaldo ilə müqayisə edib. O, Messinin Argentina yığmasına qayıtmalı olduğunu da bildirib:

“Messi hazırda dünyanın ən yaxşı futbolçusdu. Ancaq onda Maradonanın xarakteri yoxdu. Maradona hər yerdə oynaya bilərdi, A seriyasında da, La Liqada da.

Leo da mütləq yığmaya qayıtmalıdı. Onun futbola, Argentina yığmasının azarkeşlərinə borcu var.

Kriştiano Ronaldo isə əsl peşəkarlıq nümunəsidi. Onda Messinin istedadı yoxdu, ancaq o, böyük futbolçudu. Bir dəfə “Real”ın düşərgəsinə getmişdim. “Real”ın futbolçuları hələ gəlməmişdilər, amma Ronaldo artıq məşq edirdi”.