Mats Hummels “Bavariya”ya niyə keçib?

"Bayern Munich"in müdafiəçisi Mats Hummels "Borussiya Dortmund"la Almaniya Superkuboku uğrunda matçdan əvvəl fikirlərini bölüşüb.

Goal.az xəbər verir ki, təcrübəli oyunçu Dortmund azarkeşlərinin təzyiqinə hazır olduğunu qeyd edib.

"Borussiya Dortmund" azarkeşlərinin fiti mənim onlar və klub haqqındakı fikirlərimi dəyişməyəcək. Bu oyun mənim üçün xüsusidir. Transfer qərarını vermək çətin idi. Bu məsələ bir neçə həftə mənə başağrısı oldu. Uzun və çətin proses idi. Münhen klubu dünyanın ən yaxşı 3 komandasından biridir. Bu, hər mövsüm mükafat qazanmağa zəmanət verir. "Bavariya"ya keçməyində bu amil həlledici oldu".