“Barselona”nın əfsanəsi “Real” haqqında sərt sözlər dedi

“Barselona”nın sabiq futbolçusu Xristo Stoyçikov “Real”ın ünvanına tənqidlər səsləndirmək imkanını əldən verməyib.

Goal.az xəbər verir ki, futbolçu “Mundo Deportivo” nəşrinə açıqlamasında bunları deyib: “Barcelona” son 25 ildə xeyli titul qazanıb. 1990-cı ildən biz maşın kimiyik. “Real”ın nə qədər çempion olduğuna baxın. Onların bu qədər pulla 25 il ərzində 7 dəfə çempion olmağı rüsvayçılıqdır. Onlar Messi və komanda yoldaşları qaydasında olmadığından titul qazandılar. “Barselona”nın uğurları isə onun futbol akademiyası olduğuna görədir”.