Daha bir ulduz futbolçu MLS-də

Braziliyalı ulduz futbolçu Kaka rəsmi olaraq "Orlando Siti" ilə müqavilə imzalayıb.

Teleqraf.com xəbər verir ki, bir mərasimlə mətbuata tanıdılan braziliyalı ulduz 3,5 il müddətinə "Orlando"nun formasını geyəcək. Karyerasını ABŞ-da davam etdirmə qərarı alan futbolçu 2015-ci ildən etibarən Amerika Futbol Liqası MLS-də çıxış edəcək. O müddətə qədər futbolçu "Sao Paolo" formasını geyməyə davam edəcək.

İmza mərasimindən sonra mətbuata açıqlama verən futbolçu yeni klubuna faydalı olmaq istədiyini dilə gətirib:

"Amerika xalqına futbolu daha çox sevdirmək istəyirəm. MLS-in sürətli inkişafını görürük. "Orlando Siti" seçməyimin ən böyük səbəbi klub prezidentidir. Yeni bir layihə gerçəkləşdirəcəyimə inandığım üçün "Orlando"ya gəldim",- deyə Kaka bildirib. /ANS PRESS/