"Kəpəz"dən xal itkisi, "Neftçi"dən qələbə

Topaz Premyer Liqasında XI tura start verilib.

Teleqraf.com-un qol.az-a istinadən məlumatına görə, ilk oyun günündə 2 qarşılaşma keçirilib.

Günün ilk matçı Gəncədə oynanılıb. “Kəpəz” öz meydanında “Sumqayıt”ı qəbul edib. Oyun qolsuz bərabərliklə başa çatıb.

İkinci oyunda isə “İnter” “Neftçi”nin qonağı olub. “Qarabağ” və “Qəbələ” ilə birgə çempionluq uğrunda mübarizə aparan “İnter” bu matça da qələbə üçün çıxmışdı. Lakin "bankirlər" bu oyunda cari mövsüm ilk məğlubiyyətini alıb. Görüş "Neftçi"nin 2:1 hesablı qələbəsi ilə başa çatıb.

5 noyabr

Topaz Premyer Liqası, XI tur

17:00 “Neftçi” - “İnter” - 2:1
Qol: Jonas Pessalli, 53 (1:0), Araz Abdullayev, 61-pen. (2:0), Zurab Xizanaşvili, 90 (2:1)
Hakimlər: Rəvan Həmzəzadə, Yaşar Abbasov, Elman Musayev, Nahid Əliyev
Əlavə köməkçi hakimlər: Rəhim Həsənov, Rauf Cabbarov
8-ci km qəsəbə stadionu

14:30 “Kəpəz” - “Sumqayıt” - 0:0
Qırmızı vərəqə: Kərim Diniyev, 62 ("Kəpəz")
Hakimlər: Əliyar Ağayev, Zeynal Zeynalov, Rza Məmmədov, Mübariz Haşımov
Əlavə köməkçi hakimlər: Orxan Məmmədov, Elvin Əsgərov
Gəncə şəhər stadionu

6 noyabr

14:00 AZAL - “Qəbələ”
Hakimlər: İnqilab Məmmədov, Vaqif Musayev, Rahil Ramazanov, Namiq Hüseynov
Əlavə köməkçi hakimlər: Əliyar Ağayev, Fariz Yusifov
“AZAL Arena”

16:00 “Zirə” - “Qarabağ”
Hakimlər: Ramil Diniyev, Mehman Mahmudov, Vüsal Qənbərov, İsgəndər Əliyev
Əlavə köməkçi hakimlər: Rəhim Həsənov, Ömər Paşayev
Zirə İdman Kompleksinin stadionu