“Qəbələ” yeni hücumçu alır

“Qəbələ” klubu növbəti transferə hazırlaşır.

Teleqraf.com-un xəbərinə görə, klubun meneceri Səbuhi Səfiyarlı qış transfer pəncərəsinin bağlanmasına qədər bir hücumçu almağa çalışacaqlarını deyib.

O bildirib ki, xaricdən hücumçu transfer etmək üçün müraciətləri olub: “Hazırda danışıqlar gedir. Yanvar 30-na qədər vaxtımız var. Çalışacağıq o vaxta qədər oyunçu alaq”.

S.Səfiyarlı danışıqlar apardıqları futbolçularla bağlı açıqlama verməyib.