Millidə debüt edən futbolçu: “Yenə dəvət olunsam...”

"Qarabağ"ın futbolçusu Mahir Mədətov əsas milli komandamızda debüt edib.

Teleqraf.com xəbər verir ki, Qətərlə yoldaşlıq oyununda (2:1) ilk dəfə millimizin formasını geyinən gənc hücumçu AFFA-nın saytına açıqlamasında debütündən və qələbədən danışıb: “Maraqlı oyun oldu. Hər iki komanda açıq futbola üstünlük verirdi. Məşqçimizin verdiyi tapşırıqları yerinə yetirib qələbə qazandıq. Bu oyun mənim üçün xüsusi əhəmiyyət kəsb edirdi. Çünki əsas millidə ilk dəfə debüt edəcəkdim. Həyəcan yox idi desəm, yalan olar. Baş məşqçi Robert Prosineçkiyə özümü göstərmək istəyirdim. Gənc bir oyunçu üçün bu böyük bir məsuliyyətdir. Düşünürəm ki, bunu bacardım. Əlbəttə, bununla kifayətlənməməliyəm. Növbəti toplanışlara da dəvət alsam, komandaya faydalı olmaq üçün bacardığımın ən yaxşısını etməyə çalışacam”.