Türkiyə Əlcəzairə məğlub oldu

“Bakı-2017” IV İslam Həmrəyliyi Oyunlarının futbol yarışları davam edir.

13:18

Teleqraf.com xəbər verir ki, turnirin “B” qrup çərçivəsində Türkiyə millisi Əlcəzair yığması ilə qarşılaşır.

Bayıl Arenada təşkil olunan görüşdə Türkiyə millisinin start heyətində Mehmet Zeki Çelik, Özkan Taştemur, Bahadır Öztürk, Melih Okutan, Taylan Antalyalı, Ahmethan Köse, Muhammed Demirci, Muhammed Şengezer, Can Hakki Aksu və Alican Özfesli yer alıblar.

Əlcəzair millisinin isə ilk on birliyində meydana Şamseddine Rahmani, Abdelxani Bouzidi, Mohamed Naoufel Xacef, Ahmed Gagaa, Yousif Douar, Abderrahim Hamra, M'Hammed Merouani, Zakaria Naidji, İsmail Səadi, Yosif Becou və Tayeb Zeziani çıxıblar.

Görüşü azərbaycanlı hakimlər briqadası idarə edir.

***

“Bakı-2017” IV İslam Həmrəyliyi Oyunlarının futbol yarışları davam edir.

Turnirin “B” qrupu çərçivəsində Türkiyə millisi Əlcəzair yığması ilə qarşılaşıb. Oyun Əlcəzair millisinin qələbəsi ilə başa çatıb.

Azərbaycanlı hakimlər briqadasının idarə etdiyi oyunun ilk hissində Türkiyə millisi hesabı açıb. Matçın 38-ci dəqiqəsində Onur Eris fərqlənib.

Oyunun 78-ci dəqiqəsində əlcəzairli futbolçu Fərid Əl Məlali hesabı bərabərləşdirib. Görüşün son dəqiqəsində Türkiyə millisinin qapısına təyin olunmuş penalti zərbəsini dəqiqə yerinə yetirən Ahmed Qaqqa Əlcəzair millisinin 2:1 hesablı qələbəsini rəsmiləşdirib.