Bu gün 4 boksçumuz rinqə çıxır

IV İslam Həmrəyliyi Oyunlarında bu gün boks üzrə dörd qarşılaşma keçiriləcək.

Teleqraf.com xəbər verir ki, 1/4 final mərhələsi çərçivəsində boks yığmamızın üç üzvü ilk, Məhəmmədrəsul Məcidov isə ikinci görüşünü keçirəcək.

49 kq çəki dərəcəsində yarışan Rüfət Hüseynov Omid Əhmədisafa ilə qarşılaşacaq. 56 kq-da isə ölkəmizin idman şərəfini qoruyan Tayfur Əliyevun ilk rəqibi mərakeşli Taoufik Kaçfidir. Boks millimizin 64 kq çəkidəki təmsilçisi Elvin İsayev isə özbəkistanlı Aliyor Noraliyevlə mübarizə aparacaq.

+91 kq çəki dərəcəsində yarışan Məhəmmədrəsul Məcidov isə turnirdəki ikinci döyüşündə Uosri Hafizlə (Misir) qarşılaşacaq.

Qeyd edək ki, reqlamentə əsasən, yarımfinala yüksəlmiş boksçular ən azı bürünc medalı özləri üçün təmin etmiş olurlar.

Nərgiz