Boksçu Tayfurdan asan qələbə

IV İslam Həmrəyliyi Oyunlarını çərçivəsində keçirilən boks yarışlarında Azərbaycan millisinin üzvü Tayfur Əliyev (56 kq) ilk döyüşünə çıxıb.

Teleqraf.com xəbər verir ki, 20 yaşlı idmançının debütü 1/4 final mərhələsinə təsadüf edib.

O, Avropa Oyunlarının mükafatçısı Taoufik Kaçfi (Mərakeş) ilə qarşılaşıb. Döyüş vaxtından əvvəl təmsilçimizin xeyrinə başa çatıb. Əliyev I raundda rəqibinin qaşını partladığı üçün texniki qələbə qazanıb.

O, mayın 17-də baş tutacaq yarımfinalda özbəkistanlı Abdulxay Şaraxmatovla qarşılaşacaq.

Qeyd edək ki, Əliyevədək Cavid Çələbiyev (60 kq) və Teymur Məmmədov (91 kq) da 1/2 finala vəsiqə qazanıblar.

Nərgiz