“Bu qələbənin siyasi əhəmiyyəti...“ - AFFA-nın vitse-prezidenti

“Qarabağ” futbol klubunun qələbəsi böyük tarixi hadisədir.

Teleqraf.com xəbər verir ki, bunu AFFA-nın vitse-prezidenti, Milli Məclisin deputatı Rauf Əliyev deyib.

Onun sözlərinə görə, “Qarabağ”ın bu zəfərinin siyasi əhəmiyyəti də çox böyükdür: ““Qarabağ” futbol klubu Azərbaycan futbol tarixində ilk dəfə olaraq Çempionlar Liqasının qrup mərhələsində Azərbaycanı təmsil edəcək”.

O qeyd edib ki, “Qarabağ”ın bu zəfəri Qarabağ həqiqətlərinin dünyaya çatdırılması ilə bağlı Azərbaycanın Ermənistana qarşı apardığı informasiya müharibəsinə böyük töhfə oldu: “Bu tarixi zəfər milyonlarla Azərbaycan vətəndaşına böyük sevinc hissi bəxş etdi. Tarixi zəfərə görə “Qarabağ” futbol kulubunun rəhbərliyini, bütün komanda üzvülərini təbrik edir, onlara Çempionlar Liqasının qrup mərhələsinin oyunlarında uğurlar arzulayıram”.