“Qəbələ”də iki itki

"Qəbələ” Topaz Premyer Liqanın 5-ci turunun hazırlıqlarını davam etdirir.

Teleqraf.com klubun saytına istinadən xəbər verir ki, birgünlük istirahətdən sonra sentyabrın 12-də Bakıda bir araya gələn “qırmızı-qaralar” məşqlərini paytaxtda gerçəkləşdirir. Komanda Premyer Liqanın debütantı “Səbail”lə səfər matçının hazırlığı çərçivəsində gündə bir dəfə məşqə çıxır. Zədə səbəbindən iki futbolçu məşq prosesindən kənar qalıb. Bunlar ötən turun “Zirə” ilə matçında zədələnən Filip Ozobiçlə Stiven Jozef-Monrozdur.

Xatırladaq ki, “Səbail” – “Qəbələ” oyunu sentyabrın 17-i keçiriləcək.