“Qarabağ”ın futbolçusu: “İmtina edin!”

Azərbaycan millisinin və “Qarabağ” klubunun futbolçusu Qara Qarayevin Dünya Ürək günü ilə bağlı paylaşımı izləyicilərin marağına səbəb olub.

Teleqraf.com xəbər verir ki, futbolçu paylaşımı İnstaqram hesabında edib. O, insanları siqaretdən imtina etməyə çağırıb: "Bu gün Dünya Ürək günüdür. Bir çox insanın erkən yaşlarda ürək xəstəliklərinə tutulması məhz siqaretlə bağlıdır.

Siqaret çəkən şəxs özünün və ətrafındakıların sağlamlığına zərər vurur. Mən sizi siqaretdən imtina etməyə və sağlam həyat tərzinə çağırıram. Siqaretdən imtina edin, sağlamlığınızın və ürəyinizin qayğısına qalın!"