“Qızıl ayaq” mükafatının sahibi bəlli oldu

“Portu”nun qapıçısı İker Kasilyas “Qızıl ayaq” mükafatına layiq görülüb.

Teleqraf.com xəbər verir ki, 36 yaşlı qolkiper Kriştiano Ronaldo, Lionel Messi, Manuel Noyer, Serxio Ramos, Aryen Robben, Tiaqo Silva, Luis Suares, Yaya Ture və Andrea Pirlo kimi ulduz futbolçuları qabaqlayıb.

Xatırladaq ki, “Qızıl ayaq” mükafatı yaşı 28-dən az olmayan ən yaxşı futbolçuya verilir. Ötən il bu mükafat İtaliya millisi və “Yuventus”un qapıçısı Canluici Buffona verilmişdi.