“Qəbələ” Endiylə yollarını ayırdı - Rəsmi

“Qəbələ” şotlandiyalı futbolçusu Endi Hallideylə yollarını ayırdığını rəsmən açıqlayıb.

Teleqraf.com klub saytına istinadən xəbər verir ki, Şotlandiyanın "Reyncers" klubundan icarəyə götürülən 26 yaşlı yarımmüdafiəçi ilə müqaviləyə qarşılılıqlı razılıqla xitam verilib. 2017-ci ilin yayından bu komandada çıxış edən legioner 2017/18 mövsümünün ilk yarısında “Qəbələ”nin şərəfini qoruyub. Endi “qırmızı-qara” formada çıxış etdiyi müddət ərzində 8 oyun keçirib. Premyer Liqada 3, kubokda 1 matça çıxan şotlandiyalı UEFA Avropa Liqasında 4 oyunda şans qazanıb.

“Qəbələ” Endi Hallidey və komandadan gedən digər futbolçulara - Ekiqo Ehiosun, Aqil Məmmədov və Tellur Mütəllimova “qırmızı-qara” forma ilə keçirdiyi oyunlara görə təşəkkür edib, hər birinə gələcək karyerasında yeni-yeni uğurlar arzulayıb.