"Sumqayıt"ın prezidenti "Neftçi"yə gəldi - Yeniləndi

12:24

“Neftçi” Peşəkar Futbol Klubunun prezidenti Orxan Hüseynzadə şəxsi istəyi ilə tutduğu vəzifədən istefa verib.

Klubdan Teleqraf.com-a bildirilib ki, O.Hüseynzadə bu gün istefa ərizəsi ilə klubun təsisçisinə müraciət edib. O.Hüseynzadənin istefası qəbul olunub.

“Neftçi” klubu ona gələcək fəaliyyətində uğurlar arzulayıb.

Qeyd edək ki, Orxan Hüseynzadə həm də AFFA Klublar Komitəsinin sədridir.

***

13:09

"Sumqayıt" Futbol Klubunun prezidenti Kamran Quliyev tutduğu vəzifədən istefa verib.

O, şəxsi istəyi ilə vəzifəsindən ayrılıb.

"Sumqayıt" klubu Kamran Quliyevə klubdakı fəaliyyətinə görə təşəkkür edirb və gələcək işlərində uğurlar arzulayıb.

***

"Sumqayıt" Futbol Klubundan istefa verən Kamran Quliyev "Neftçi” Peşəkar Futbol Klubunun prezidenti vəzifəsinə təyin olunub.