BATE-nin baş məşqçisi: Qayıdanda meyvə-tərəvəz alıb gedəcəm

UEFA Çempionlar Liqasının III təsnifat mərhələsinin ilk oyunu çərçivəsində “Qarabağ”ın qonağı olan BATE-nin baş məşqçisi Aleksey Baqa sabahkı oyunla bağlı mətbuat konfransı keçirib.

Teleqraf.com xəbər verir ki, belaruslu baş məşqçi konfransa gecikməsinin səbəbini yolda olan tıxaclarla əlaqələndirib.

O daha sonra görüş haqqında danışıb:

“Təbii ki, “Qarabağ”ı güclü rəqib kimi qiymətləndiririk. Finlandiyadan sonra Azərbaycana gəlmək komandaya heç bir təsir göstərməyib. Əgər bu turnirdə mübarizə aparırsansa, bu tale ilə barışmalısan.

İlk oyunu səfərdə keçirməyin necə olduğunu demək çətindir. Bizi Bakıda hər hansısa müsbət nəticə qane edəcək.

Bəli, mən azərbaycanlılarla - Aftandil Hacıyev və Ayxan Abbasovla birgə məşqçilər kursu oxumuşam Amma onlardan Ağdam klubu haqqında məlumat toplamamışam. Onlardan Belarusa qayıdanda meyvə-tərəvəz alıb gedəcəm. Təbii ki, mərhələ keçməsək, uğursuzluq olacaq”.

Qeyd edək ki, “Qarabağ” - BATE oyunu sabah saat 21:00-da başlayacaq.