"Qarabağ" yenə qələbə qazana bilmədi

Bu gün Topaz Premyer Liqada VII turdan təxirə salınmış oyun keçirilib.

Teleqraf.com xəbər verir ki, "ASK Arena"dakı qarşılaşmada "Keşlə" və "Qarabağ" komandaları üz-üzə gəlib. Son turda "Neftçi"yə, ondan əvvəl isə Avropa Liqasının qrup mərhələsində Bakıda "Vorskla"ya uduzan Ağdam klubu 2 oyunluq qələbə həsrətinə məhz paytaxt təmsilçisi ilə matçda son qoymaq niyyətində idi. Amma bu dəfə də Qurban Qurbanovun komandası qalib gələ bilməyib. Görüş 1:1 hesabı ilə başa çatıb.

Qeyd edək ki, bu matç Tərlan Əhmədovun "Keşlə"də baş məşqçi qismində ilk oyunu olub.

Topaz Premyer Liqası

VII turdan təxirə salınmış oyun

31 oktyabr

19:00. "Keşlə" - "Qarabağ" - 1:1
Qollar: Miçel, 56 (0:1), Sərtan Taşqın, 79 (1:1)
Qırmızı vərəqə: Samir Məsimov, 88 ("Keşlə")
Hakimlər: Rəhim Həsənov, Yaşar Abbasov, Elşad Abdullayev, Mahir Məmmədov
"ASK Arena"