Nurməhəmmədov ali mükafata layiq görüldü - Foto

UFC çempionu Həbib Nurməhəmmədov Dağıstanın ali mükafatına layiq görülüb.

Teleqraf.com xəbər verir ki, Dağıstan Respublikasının rəhbəri Vladimir Vasilyevin sərəncamı ilə H. Nurməhəmmədova “Vətən qarşısında xidmətlərə görə” ordeni verilib.

Onun məşqçisi və atası Abdulmanap Nurməhəmmədov isə “idman sahəsində xidmətlərə görə” medalı ilə təltif olunub.

Qeyd edək ki, oktyabrın 6-da ABŞ-da keçirilən UFC 229 turnirində Həbib Nurməhəmmədov və Konor Makqreqor arasında döyüş keçirilib. Rusiyalı idmançı irlandiyalı rəqibini məğlub edərək yüngül çəkidə çempionluq titulunu qoruyub.