“Qalatasaray” səfərdə xal itirdi

Türkiyə Super Liqasında 20-ci tura start verilib.

Teleqraf.com xəbər verir ki, ilk oyun günündə bir qarşılaşma keçirilib. “Fənərbaxça” azarkeşləri önündə “Göztəpə”ni qəbul edib. İstanbul klubu bu görüşdən inamlı qələbə ilə ayrılıb.

Şənbə günü daha dörd görüş baş tutub. Səfərdə “Alanyaspor”la qarşılaşan “Qalatasaray” bu oyundan xal itkisi ilə ayrılıb. “Yeni Malatyaspor” – “Kayserispor” matçında da heç-heçə qeydə alınıb.

“Trabzonspor” evdə “Ankaragücü”ni minimal hesabla üstələyib. “Kasımpaşa” isə “Sivasspor”a məğlub olub.

Turnir cədvəlinin lideri “Başakşəhər” “Akhisarspor” səfərinə yollanacaq. “Beşiktaş” isə bu turda “Antalyaspor”la üz-üzə gələcək.

Türkiyə Super Liqası, 20-ci tur

1 fevral

Fənərbaxça – Göztəpə 2:0
Qol: Ayyu, 7. Mozes, 73.

2 fevral

Yeni Malatyaspor – Kayserispor 1:1
Qol: Aleksiç, 19 – Kravets, 14.

Kasımpaşa – Sivasspor 1:3
Qol: Periça, 14 – E.Kılınc, 6. Kone, 66; 69.

Trabzonspor – Ankaragücü 1:0
Qol: Rodalleqa, 6.

Alanyaspor – Qalatasaray 1:1
Qol: Kampos, 45 – Fequli, 52.