15 yaşlı futbolçu oyun zamanı vəfat etdi

Fransanın “Reyms” klubunun gənclərdən ibarət komandasının üzvü Məhəmməd Savan həyatını itirib.

Teleqraf.com xəbər verir ki, bu barədə Liqa 1 təmsilçisinin rəsmi saytı məlumat yayıb.

15 yaşlı Savanın ürək çatışmazlığından vəfat etdiyi bildirilir. Ölüm hadisəsi Savanın futbol oynadığı zaman baş verib.

Qeyd edək ki, Savan “Reyms”in 15 yaşadək futbolçulardan ibarət komandasının formasını geyinirdi.