Aleksandr Səmədov final oyununun səfiri oldu

Bakıda keçiriləcək UEFA Avropa Liqasının final oyununun daha bir səfiri müəyyənləşib.

Teleqraf.com xəbər verir ki, bu Rusiyanın “Dinamo”, “Lokomotiv”, “Spartak”, “Moskva” klublarının heyətində oynamış, hazırda Samaranın “Krılya Sovetov” komandasında çıxış edən Aleksandr Səmədovdur.

Rusiya milli komandasının heyətində 50-dən çox oyunda iştirak edən yarımmüdafiəçi UAL Final-2019-un səfiri kimi aprelin 20-də və 21-də Moskvada keçiriləcək UEFA Avropa Liqasının “KİA Kubok Turu”nda iştirak edəcək.

Qeyd edək ki, final matçı mayın 29-da Bakı Olimpiya Stadionunda olacaq.