"Messi "Barselona"dan heç vaxt getməyəcək" - Bartomeu

"Barselona"nın prezidenti Josep Mariya Bartomeu komandanın futbolçusu Lionel Messi haqda danışıb.

Teleqraf.com xəbər verir ki, "The Guardian"a danışan klub rəsmisi argentinalı hücumçunun Kataloniya təmsilçisinin əfsanəsi olduğunu deyib:

"Kim bilir, bəlkə də Messi 45 yaşına qədər futbol oynayacaq. 3,4,5 il daha oynaya bilər, nə qədər istəsə, o qədər oynayacaq. Messi "Barselona"nın əfsanəsidir. Bu klubdan heç vaxt ayrılmayacaq. Futbol oynamağı bir gün buraxacaq, amma hər zaman bizimlə qalacaq. Lionel bir dahidir. Bunu dəfələrlə göstərdi".

Bartomeu Messinin karyerasının başa vurduqdan sonrakıdönəmi də düşünməli olduqlarını söyləyib: "Messidən sonrakı dönəmə də hazırlaşırıq. Dembele, Lanqle, Artur kimi gənc oyunçularımız var. Messinin yaxın zamanda futbolçu karyerasınnı başa vuracağını düşünmürəm. Futbolçulara "Messi ilə keçirdiyiniz hər dəqiqədə zövq alın" deyirəm".