“Minsk 2019”: Daha 2 qadın güləşçisi yarımfinala vəsiqə qazandı - Yeni

Azərbaycan güləşçisi Mariya Stadnik “Minsk 2019” II Avropa Oyunlarında yarımfinala vəsiqə qazanıb.

Teleqraf.com xəbər verir ki, 50 kq çəkidə çıxış edən olimpiya mükafatçısı polşalı Anna Lukasiakdan güclü olub - 10:0.

O, rəqibini 52 saniyəyə məğlub edib.

Stadnik yarımfinalda türkiyəli Evin Demirhanla qarşılaşacaq.

***

Azərbaycanın daha iki güləşçisi “Minsk 2019” II Avropa Oyunlarında yarımfinala vəsiqə qazanıb.

Bunlar Elmira Qəmbərova (62 kq) və Sabirə Əliyevadır (76 kq).

***

09:40

Bu gün “Minsk 2019” II Avropa Oyunlarında qadın güləşçilər mübarizəyə qoşulacaqlar.

Teleqraf.com-un xəbərinə görə, Azərbaycanın əsas qızıl medal ümidlərindən biri Mariya Stadnik çıxışına 1/4 finaldan başlayacaq. Bundan başqa, səbrəst güləşçilər - Hacı Əliyev və Nurməhəmməd Hacıyev final görüşlərinə çıxacaqlar.

Azərbaycan idmançıları 7-ci yarış günündə stend atıcılığı, badminton, idman gimnastikası, eləcə də avarçəkmə yarışlarında da qüvvələrini sınayacaqlar.