21 İyul 2019 20:55
547
12 Punto 14 Punto 16 Punto 18 Punto

İyulun 21-də - “EYOF Bakı 2019” XV Avropa Gənclər Yay Olimpiya Festivalının birinci gününün yekununda medal siyahısına Azərbaycan yığma komandası başçılıq edir.

Teleqraf.com xəbər verir ki, komandamız mötəbər idman yarışının birinci günündə dörd medal qazanıb.

Medallardan 2-si qızıl, 1-i gümüş, 1-i isə bürüncdür. Yunan-Roma güləşçilərimizdən Murad Sadıqlı (45 kq) qızıl, Nihad Məmmədli (55 kq) bürünc medala sahib olublar. Sərbəst güləşçilərimizdən isə Murad Haqverdiyev (45 kq) qızıl, Əbülfəz Nəsirov (55 kq) gümüş medala layiq görülüblər.

Medal siyahısında ikinci yerdə Belarus, üçüncü pillədə İtaliya millisi qərarlaşıb. Bu yığmaların hər birinin hesabında 1 qızıl medal var. Gürcüstan (2 gümüş), Türkiyə komandası (1 gümüş), Rusiya (4 bürünc) isə 4-5-6-cı yerlərdə qərarlaşıblar.

Hesabında 1 bürünc medal olan Latviya və Macarıstan 7-ci və 8-ci yerləri bölüşürlər.

Ümumilikdə yarışın birinci günündə beş ölkənin idmançıları aktivlərinə medal yazdıra biliblər.


Müəllif: Teleqraf.com