"Dinamo"nun baş məşqçisi: "Bu hesab bizim üçün çox təhlükəlidir"

İspaniyalı mütəxəssis əvvəlcə görüş haqda danışıb.

- Bugünkü matçda komandamı ən yaxşı formada gördüm. Fərqi yoxdur ki, kim neçə dəqiqə oynadı. Futbolçularımızın hamısı meydanda canlarını qoydular. Bu, istədiyimiz yoldur və ona davam edəcəyik.

- Əlbəttə, səfərdə 2:0 hesablı qələbə bizim üçün yaxşı nəticədir. Ancaq unutmamalıyıq ki, “Qəbələ” yaxşı rəqibdir. Əlimizdən gələni etməliyik ki, cavab matçında üstünlüyümüzü qoruyaq və növbəti mərhələyə keçən komanda biz olaq.

- Bir qol daha artıq vura bilərdik. Açığı, rəqib də səviyyəli komandadır, yaxşı futbolçuları var. “Qəbələ” bizə tam rahat oynamağa imkan vermədi. Ancaq ümumilikdə istədiyimizi həyata keçirə bildik.

- Hər matç üçün oyun modelimiz var. Bu gün yaxşı oynadıq və istədiyimiz nəticəni əldə etdik. Ancaq bizi qarşıda mükəmməl rəqiblə cavab matçı gözləyir. Buna 100 yox, 200 faiz hazır olmalıyıq ki, cütün qalibi biz olaq.

- Bizim üçün komanda ruhu önəmlidir. Ümumi amalımız var və bunun üçün vuruşuruq. Bu qələbə seriyasına görə bütün heyətimizi təbrik edirəm.

- “Qəbələ” çox kompakt, aqressiv oynayan komandadır. Fərdi oyun keyfiyyətləri ilə seçilən futbolçuları var. Hər an bizə təhlükə yarada bilər. Xüsusilə standart vəziyyətlərdə. “Qəbələ”nin yarımmüdafiə və hücum xəttini xüsusislə qeyd edərdim. Tbilisidəki matçda gərək topa daha çox nəzarət edən tərəf biz olaq ki, mərhələni keçək.

- Yenə fikrimdə qalır və bunu səmimi şəkildə deyirəm. Bizə görə bu hesab çox təhlükəlidir. Bunu oyundan sonra paltardəyişmə otağında da komanda ilə müzakirə etdik.