“Keşlə”də paraqvaylı hücumçu

Türkiyədə təlim-məşq toplanışında olan “Keşlə” heyətinə daha bir futbolçu cəlb edib.

Klubdan Teleqraf.com-a verilən məlumata görə, paraqvaylı hücumçu Lorenso Rodriqo Furtos hazırda komandanın düşərgəsindədir.

30 yaşlı hücumçu bu gün Türkiyənin 3-cü liqa təmsilçisi "Batman Petrolspor"la keçirilən yoxlama görüşündə (2:0) qol vurub. Onunla komanda Bakıya qayıtdıqdan sonra müqavilə imzalanacağı gözlənilir.

Qeyd edək ki, Furtos yanvar ayından çıxış etdiyi Kolumbiyanın "Deportivo Lara" klubunda 10 oyuna 2 qol vurub.