Foqts “Qarabağ”da futbolçu qoymadı

Futbol üzrə Azərbaycan millisi mayın 27-də ABŞ yığması ilə qarşılaşacaq.

Teleqraf.com xəbər verir ki, millimizin baş məşqçisi Berti Foqtsun bu oyuna hansı futbolçuları aparacağı tədricən müəyyənləşmək üzrədi. Belə ki, artıq almaniyalı mütəxəssisin Azərbaycan Premyer Liqasının lideri "Qarabağ"dan da hansı futbolçulara dəvət göndərəcəyi bəlli olub. Foqts Ağdam klubunun 7 futbolçusunu yığmaya çağırıb. Bunlar qapıçı Fərhad Vəliyev, müdafiəçilər - Rəşad Sadıqov, Bədavi Hüseynov, Maksim Medvedev, yarımmüdafiəçilər Qara Qarayevlə Hacı Əhmədov, eləcə də hücumçu Vüqar Nadirovdu.

Qeyd edək ki, alman çalışdırıcı "Neftçi"dən də Rəşad Sadiqov, Mahir Şükürov, Araz Abdullayev, Elvin Yunuszadə və Ruslan Qurbanovu heyətə cəlb etdiyi bəllidi.