Məşhur qapıçı virusa qalib gəldi

Türkiyə millisinin sabiq futbolçusu Rüştü Reçber koronavirusdan sağalıb.

Teleqraf.com xəbər verir ki, bu barədə məlumatı veteran qapıçının həyat yoldaşı Işıl Reçber "Instagram" səhifəsində paylaşıb.

O, R.Reçberin sonuncu analizinin nəticəsinin mənfi çıxdığını açıqlayıb.

Qeyd edək ki, oyunçu karyerası ərzində "Fənərbağça" və "Beşiktaş", eləcə də İspaniya "Barselona"sının formasını geyinmiş Rüştü Reçber hazırda Türkiyə Futbol Federasiyasında Futbolun inkişafı koordinatoru vəzifəsində çalışır.