"Qəbələ" xorvatiyalı futbolçu aldı

“Qəbələ” heyətinə yeni futbolçu cəlb edib.

Teleqraf.com xəbər verir ki, “qırmızı-qaralar” xorvatiyalı müdafiəçi Vinko Medimoreçin keçidini gerçəkləşdirib. 26 yaşlı legionerlə 1+1 illik müqavilə imzalanıb.

Peşəkar karyerasına “Koprivinitsa”da başlayan müdafiəçi 2014-2015-ci illər mövsümündə bu komandada çıxış edib. 2015-ci ildə “Slaven”ə keçən Vinko son 5 mövsümdə yüksək dəstə təmsilçisinin formasını geyinib. O, bu komandada 98 oyunda 4 qol vurub. Arxa xətt oyunçusu 2015-2016-cı illər mövsümündə Xorvatiya kubokunun finalçısı olub.

Qeyd edək ki, "Qəbələ" yay fasiləsində Cavid Hüseynov, Yurgen Qoxa və Stefan Vukçeviçi də heyətinə cəlb edib.